ഉത്തരാഖണ്ഡ് സംസ്ഥാനത്തിലെ ചമോലി ജില്ലയിലാണ് നന്ദാദേവീ ദേശീയോദ്യാനം സ്ഥിതി ചെയ്യുന്നത്. 1950-കൾക്കുശേഷം ഇവിടേക്ക് സഞ്ചാരികളുടെ വൻപ്രവാഹം ഉണ്ടായതിനേത്തുടർന്ന് പ്രകൃതി സംരക്ഷിക്കുന്നതിനായി 1982-ലാണ് ഈ പ്രദേശത്തെ ദേശീയോദ്യാനമായി പ്രഖ്യാപിച്ചത്.
630 ചതുരശ്ര കിലോമീറ്ററാണ് ഉദ്യാനത്തിന്റെ വിസ്തൃതി. സമുദ്രനിരപ്പിൽ നിന്ന് കുറഞ്ഞത് 3500 മീറ്റർ ഉയരത്തിലെങ്കിലുമാണ് ഈ പ്രദേശം മുഴുവൻ സ്ഥിതി ചെയ്യുന്നത്. 7,817 മീറ്റർ ഉയരമുള്ള നന്ദാദേവീ കൊടുമുടി ഈ ഉദ്യാനത്തിലാണ്. ജൂനിപ്പെർ, ഹിമാലയൻ ഫിര്, ബിർച്ച്, പൈൻ, ദേവദാരു എന്നീ വൃക്ഷങ്ങൾ ഇവിടെ വളരുന്നു.
ഹിമപ്പുലി, ഹിമാലയൻ കരടി, ഭാരൽ, ഹിമാലയൻ താര്, കസ്തൂരിമാൻ, പറക്കും അണ്ണാൻ എന്നിവയാണ് ഇവിടുത്തെ പ്രധാന ജന്തുവർഗ്ഗങ്ങൾ. 43 ഇനത്തില്പ്പെട്ട പക്ഷികളും ഇവിടെ വസിക്കുന്നു,