ആഫ്രിക്കയുടെ തെക്കുഭാഗത്ത് ബോട്സ്വാനയിലുള്ള ഒരു ദേശീയോദ്യാനമായ ഇത് ലോകത്തിലെ ഏറ്റവും വിസ്തൃതിയുള്ള ദേശീയോദ്യാനങ്ങളിലൊന്നാണ്. ഈ ദേശീയോദ്യാനം തെക്കൻ കലഹാരി മരുഭൂമിയിലാണ് സ്ഥിതിചെയ്യുന്നത്. ഏകദേശം 36,000 ചതുരശ്ര കിലോമീറ്റർ വിസ്തൃതിയുള്ള ഈ ദേശീയോദ്യാനം ദേശീയോദ്യാനങ്ങളുടെ സമുച്ചയമാണ്. ബോട്സ്വാനയിലെ പഴയ ജെംസ്റ്റോക്ക് നാഷണൽ പാർക്കും ദക്ഷിണാഫ്രിക്കയിലെ ജെംസ്റ്റോക്ക് നാഷണൽ പാർക്കും ഒന്നായാണ് കലഹാരി ട്രാൻസ്ഫോണ്ടിയർ നാഷണൽ പാർക്ക് ഉണ്ടായത് . ഈ പാർക്കിന്റെ 75ശതമാനത്തോളം ബോട്സ്വാനിയയിലാണ്.
കറുത്ത സടയുള്ള കലഹാരി സിംഹങ്ങളാണ് ഈ ദേശീയോദ്യാനത്തിന്റെ പ്രധാന ആകർഷണം. മാനുകളായ ജെംസ്റ്റോക്ക്, സ്പ്രിങ്ങ്ബോക്ക്, ഇളാൻഡ് എന്നിവയേയും കാട്ടുനരി, ടീന്നപുലികൾ,വൈൽഡ് ബീസ്റ്റ്, കാട്ടുനായ്ക്കൾ, ചെവിയൻ മുയലുകൾ, തുടങ്ങിയവയേയും ഈ ദേശീയോദ്യാനത്തിൽ സംരക്ഷിക്കുന്നു.ജിറാഫ്, ഹിപ്പോ, സീബ്ര, ആന, കാട്ടുപോത്ത് തുടങ്ങി അറുന്നൂറോളം പക്ഷിവർങ്ങളും ഈ ദേശീയോദ്യാനത്തിലുണ്ട്.