ദ കത്തീഡ്രൽ ഓഫ് ദ ഡോർമിനേഷൻ അല്ലെങ്കിൽ കുടൈസി കത്തീഡ്രൽ എന്നിങ്ങനെയെല്ലാം വിളിക്കുന്ന കത്തീഡ്രല്ലാണ് ബഗ്രതി കത്തീഡ്രൽ (Georgian: ბაგრატი; ბაგრატის ტაძარი, or Bagratis tadzari). 11-ാം നൂറ്റാണ്ടിൽ ജോർജ്ജിയയിലെ ഇമെരെതി പ്രവിശ്യയിലെ കുടൈസി നഗരത്തിൽ പണികഴിപ്പിച്ച കത്തീഡ്രല്ലാണ് ബഗ്രതി കത്തീഡ്രൽ. മദ്ധ്യകാല ജോർജ്ജിയൻ വാസ്തുശില്പകലക്ക് ഉത്തമോദാഹരണമാണ് ഈ കത്തീഡ്രൽ. വിവിധ നൂറ്റാണ്ടുകളിൽ മുഴുവനും സാരമായ കേടുപാടുകൾ ഈ സംഭവിച്ചിട്ടുണ്ട്. എന്നാലും ഈ കത്തീഡ്രൽ തുടർച്ചയായി പുനർനിർമ്മിക്കപ്പെട്ടിട്ടുണ്ട്. 1950 മുതൽ തുടർച്ചയായ നിർമ്മാണം നടത്തിയാണ് ഈ കത്തീഡ്രൽ ഇന്നുകാണുന്ന നിലയിലെത്തിയത്. 2012 ലാണ് വലിയതോതിലുള്ള പുനർനിർമ്മാണം നടത്തിയത്. ഉകിമെറിയോണി കുന്നിന്റെ മുകളിൽ സ്ഥിതിചെയ്യുന്ന ഈ കത്തീഡ്രൽ ഇന്ന് കുടൈസി നഗരത്തിന്റെ പ്രമുഖ ലാൻഡ് മാർക്കാണ്.