യുഎസ്എയിലെ പെൻസില്വാനിയയിലുള്ള ഇൻഡിപെൻഡൻസ് നാഷണൽ ഹിസ്റ്റോറിക് പാർക് എന്ന സംരക്ഷിത പ്രദേശത്തിലെ ഒരു മുഖ്യ ആകർഷണ കേന്ദ്രമാണ് ഇൻഡിപെൻഡൻസ് ഹാൾ (ഇംഗ്ലീഷ്: Independence Hall) എന്ന മന്ദിരം. പെൻസിൽ വാനിയയിലെ ഏറ്റവും വലിയ നഗരമായ ഫിലാഡെൽഫിയയിൽ ചെസ്നട് എന്നയിടത്താണ് ഇത് സ്ഥിതിചെയ്യുന്നത്. അമേരിക്കയുടെ ചരിത്രത്തിൽ വളരെവലിയ സ്ഥാനമാണ് ഇൻഡിപെൻഡൻസ് ഹാളിനുള്ളത്. അമേരിക്കയുടെ സ്വാതന്ത്ര്യപ്രഖ്യാപനത്തിനും അമേരിക്കൻ ഭരണഘടനയുടെ അംഗീകരണത്തിനും വേദിയായത് ഈ ഇൻഡിപെൻഡൻസ് ഹാളാണ്.
1753-ൽ ബ്രിട്ടീഷ് ഭരണകാലത്ത് പെൻസില്വാനിയ പ്രവിശ്യയ്ക്ക് വേണ്ടി പണികഴിപ്പിച്ച ഒരു നിയമനിർമ്മാണസഭാമന്ദിരമായിരുന്നു ഇൻഡിപെൻഡൻസ് ഹാൾ. പിന്നീട് ഇത് പെൻസിൽവാനിയയുടെ സ്റ്റേറ്റ് ഹൗസായും പ്രവർത്തിച്ചു. ഇന്ന് ഇൻഡിപെൻഡൻസ് നാഷണൽ ഹിസ്റ്റോറിക് പാർകിന്റെ ഒരു ഭാഗമാണ് ഈ മന്ദിരം. കൂടാതെ ഒരു ലോകപൈതൃകകേന്ദ്രവും.
1735നും 1758നും ഇടയിലുള്ള കാലയളവിലാണ് ഇൻഡിപെൻഡൻസ് ഹാളിന്റ്റെ നിർമ്മാണം നടക്കുന്നത്. എഡ്മണ്ട് വൂളി ആൻഡ്ര്യൂ ഹാമിൽട്ടൺ എന്നിവരായിരുന്നു ഇത് രൂപകല്പനചെയ്ത് നിർമിച്ചത്. 1732 മുതൽ 1799 വരെ കോളനിഗവഴ്മെന്റിന്റേതായിരുന്നു ഈ മന്ദിരം. ജോർജ്ജിയൻ ശൈലിയിൽ നിർമിച്ച ഒരു കെട്ടിടമാണ് ഇൻഡിപെൻഡൻസ് ഹാൾ. ചുവന്ന ഇഷ്ടികകളാണ് ഇതിന്റെ പ്രധാന നിർമ്മാണ വസ്തു. മന്ദിരത്തിന്റെ കേന്ദ്രഭാഗത്തായി ഒരു മണിഗോപുരവും ഉണ്ട്. 168അടി 7 1/4 ഇഞ്ച് ആണ് ഇതിന്റെ ഉയരം.