മുഗൾ ഭരണാധികാരിയായിരുന്ന അക്ബറിനായി മുഗൾ വാസ്തുകലയിൽ നിർമ്മിക്കപ്പെട്ട ശവകുടീരമാണ് അക്ബറിന്റെ ശവകുടീരം. 1605-1613 കാലഘട്ടങ്ങളിൽ നിർമ്മിക്കപ്പെട്ട ഈ ശവകുടീരം ആഗ്രയിൽ നിന്ന് പത്ത് കിലോമീറ്റർ അകലെ സ്ഥിതി ചെയ്യുന്നു. ഈ സ്ഥലം നൂറ്റിപത്തൊൻപത് ഏക്കറുകളിലായാണ് പരന്നു കിടക്കുന്നത്. 1605 ൽ അക്ബർ തന്നെയാണ് തന്റെ ശവകുടീരത്തിന്റെ പണി തുടങ്ങിവെച്ചത്. പിന്നീട് എട്ട് വർഷങ്ങൾക്ക് ശേഷം അദ്ദേഹത്തിന്റെ പുത്രൻ ജഹാംഗീർ ഇതിൽ അവസാന ശിലയും വെച്ചു.
ചുവന്ന ചരൽകല്ലുകളും മാർബിളും ഉപയോഗിച്ചാണ് ഇത് നിർമ്മിച്ചിരിക്കുന്നത്. മാർബിൾ ശകലങ്ങളിൽ കൊത്ത്പണികളും സൂക്ഷ്മമായ അലങ്കാരങ്ങളും ചെയ്തിട്ടുണ്ട്. ശവകുടീരം നിലകൊള്ളുന്ന സ്ഥലത്തിന് നൂറ്റിയഞ്ച് ചതുരശ്രമീറ്റർ വിസ്തൃതിയുണ്ട്. കമാനാകൃതിയിലാണ് കവാടം പണിതിട്ടുള്ളത്. മാർബിൾകൊണ്ട് നിർമ്മിച്ച നാല് മിനാരങ്ങളും ഇതിനുണ്ട്.
Media related to at Wikimedia Commons