മുഗള് ചക്രവര്ത്തി ഹുമയൂണിന്റെ ശവകുടീരമാണ് ദില്ലിയില് സ്ഥിതി ചെയ്യുന്ന ഹുമയൂണിന്റെ ശവകുടീരം (ഹുമയൂണ്സ് ടോംബ്). ന്യൂ ഡെല്ഹിയിലെ കിഴക്കേ നിസാമുദ്ദീന് പ്രദേശത്താണ് മുഗള് വാസ്തുശൈലിയിലുള്ള ഈ കെട്ടിടസമുച്ചയം സ്ഥിതി ചെയ്യുന്നത്. ഹുമയൂണിന്റെ പ്രധാന ശവകുടീരം കൂടാതെ മറ്റു പലരുടേയും ശവകുടീരങ്ങളും ഇവിടെ സ്ഥിതി ചെയ്യുന്നുണ്ട്. യുനെസ്കോയുടെ ലോകപൈതൃകകേന്ദ്രങ്ങളുടെ പട്ടികയില് സ്ഥാനം പിടിച്ചിട്ടുള്ള ശവകുടീരത്തിന്റെ ഇത്തരത്തിലുള്ള മുഗള് വാസ്തുശില്പ്പരീതി ഇന്ത്യയില് ആദ്യത്തേതാണ്
Шаблон:മുഗള് സാമ്രാജ്യം വിശാലമായ ഒരു ചഹാര് ബാഗിന്റെ മദ്ധ്യത്തിലാണ് ഈ കെട്ടിടം സ്ഥിതി ചെയ്യുന്നത്. ഹഷ്ട് ബിഹിഷ്ട് എന്നറിയപ്പെടുന്ന കെട്ടിടനിര്മ്മാണശൈലിയാണ് ഇവിടെ ഉപയോഗിച്ചിരിക്കുന്നത്. എട്ടു പറുദീസകള് എന്നാണ് ഹഷ്ട് ബിഹിഷ്ട് എന്നതിനര്ത്ഥം. മദ്ധ്യത്തില് വിശാലമായ ഒരു മുറിയും അതിനു ചുറ്റുമായും എട്ടു മുറികളും അടങ്ങുന്നതാണ് ഈ രൂപകല്പ്പന.
ചുവന്ന മണല്ക്കല്ല് (red sand stone) കൊണ്ട് നിര്മ്മിച്ചിരിക്കുന്ന ഇതിന്റെ വക്കുകള് വെണ്ണക്കല്ലു കൊണ്ടാണ് നിര്മ്മിച്ചിരിക്കുന്നത്.