റോമാ സാമ്രാജ്യത്തില്‍ നിലനിന്നിരുന്ന പൊതുവിനോദ കേന്ദ്രങ്ങളില്‍ ഏറ്റവും വലുതായിരുന്നു കൊളോസിയം അഥവാ ഫ്ലാവിയന്‍ ആംഫിതിയറ്റര്‍. അമ്പതിനായിരത്തിലേറെ കാണികളെ ഉള്‍ക്കൊള്ളിക്കുമായിരുന്ന ഈ തിയറ്റര്‍ അക്കാലത്ത് നിലനിന്നിരുന്ന ക്രൂരവിനോദമായ ഗ്ലാഡിയേറ്റര്‍ മല്ലയുദ്ധത്തിന്റെ വേദിയായിരുന്നു. ക്രിസ്തുവിനുശേഷം ഏഴാം ദശകത്തിലാണ് ഇതു പണികഴിപ്പിച്ചത്.
ക്രി.പി. 72-ല്‍ വെസ്പാസിയന്‍ ചക്രവര്‍ത്തിയുടെ കാലത്താണ് കൊളോസിയത്തിന്റെ നിര്‍മ്മാണം ആരംഭിക്കുന്നത്. അദ്ദേഹത്തിന്റെ പുത്രന്‍ ടൈറ്റസ് ക്രി.പി. 80ല്‍ പൂര്‍ത്തിയാക്കി. ഡൊമിനിഷ്യന്‍ ചക്രവര്‍ത്തിയും പിന്നീടു ചില മിനുക്കുപണികള്‍ നടത്തി.
48 മീറ്റര്‍ ഉയരവും 188 മീറ്റര്‍ നീളവും 156 മീറ്റര്‍ വീതിയുമുള്ള വമ്പന്‍ സ്റ്റേഡിയമായിരുന്നു കൊളോസിയം. മൂന്നു നിലകളിലായി 240 കമാനങ്ങളുമുണ്ടായിരുന്നു. അടിത്തട്ട് പലകയി തീര്‍ത്ത് മുകളില്‍ മണ്ണുമൂടിയാണ് തയാറാക്കിയിരുന്നത്.
ആധുനിക കാലത്തെ പല സ്റ്റേഡിയങ്ങളും കൊളോസിയത്തിന്റെ മാതൃക പിന്തുടരുന്നതു കാണാം.
