ഇക്വഡോറിലെ ഇപ്പോൾ സജീവമല്ലാത്ത ഒരു അഗ്നിപർവതമാണ് ചിംബോറാസോ അഗ്നിപർവതം(സ്പാനിഷ് ഉച്ചാരണം: ]). ആന്തിസിലെ കോർഡില്ലേറെ ഓക്സിഡെന്റൽ നിരകളിൽ ഭൂമധ്യരേഖക്ക് സമീപമായി സ്ഥിതിചെയ്യുന്ന ഈ അഗ്നിപർവതം എ.ഡി 550-ൽ സജീവമായിരുന്നു. ചിംബോറാസോയുടെ മേലഗ്രമാണ്‌ ഭൂമിയുടെ ഉപരിതലത്തിൽവെച്ച് കേന്ദ്രത്തിൽ നിന്നും ഉപരിതലത്തിലെ ഏറ്റവും അകലെയുള്ള ഭാഗം, ഭൂമധ്യരേഖ ഭാഗം തള്ളി നിൽക്കുന്നതാണിതിനു കാരണം. ഇക്വഡോറിലെ ഏറ്റവും ഉയരമുള്ള കൊടുമുടിയുമാണിത്.
