മഡഗാസ്കറിൽ സ്ഥിതി ചെയ്യുന്ന ഒരു കുന്നാണ് അംബോഹിമാംഗ. ഇത് ഒരു ലോകപൈതൃകസ്ഥാനമാണ്.2001 ലാണ് ഈ പ്രദേശത്തെ പൈതൃക സ്ഥാനമായി അംഗീകരിച്ചത്.
തലസ്ഥാനമായ അന്റാനനാരിവോ യിൽ നിന്നും 24 കിലോമീറ്റർ അകലെയാണ് ഈ പ്രദേശം . ഇത് തദ്ദേശവാസികളായ മെരിന ഗോത്രക്കാരുടെ സാമ്രാജ്യമായ മഡഗാസ്കർ സാമ്രാജ്യത്തിന്റെയും അതിനും മുൻപുണ്ടായിരുന്ന ഇമെരിന സാമ്രാജ്യത്തിന്റെയും ശാശ്വതമായ സ്മാരക ചിഹ്നമാണ്. ഈ സാമ്രാജ്യങ്ങൾ യൂറോപ്യൻ കോളനി വാഴ്ചയ്ക്ക് മുന്നേ മഡഗാസ്കറിൽ നിലനിന്നിരുന്നു.