ദക്ഷിണാഫ്രിക്കയിലെ കേപ്പ് ടൗണിൽ സ്ഥിതിചെയ്യുന്ന ദേശീയോദ്യാനമാണ് ടേബിൾ മൗണ്ടൻ ദേശീയോദ്യാനം. ഇത് കേപ്പ് പെനിൻസുല ദേശീയോദ്യാനം എന്നും അറിയപ്പെടുന്നു. 1998 മെയ് 29 നാണ് ഈ ദേശീയോദ്യാനം പ്രഖ്യാപിക്കപ്പെട്ടത്. ടേബിൾ മൗണ്ടൻ ശൃംഖലയിലെ ജൈവവൈവിദ്ധ്യം സംരക്ഷിക്കുക എന്നതാണ് ഈ ദേശീയോദ്യാനത്തിന്റെ പ്രധാന ഉദ്ദേശം. ദക്ഷിണാഫ്രിക്കൻ ദേശീയോദ്യാനങ്ങളാണ് ഈ ദേശീയോദ്യാനവും പരിപാലിക്കുന്നത്. ഈ ദേശീയോദ്യാനം യുനെസ്കോ കേപ്പ് ഫ്ലോറൽ റീജിയൺ ലോകപൈതൃക സ്ഥാനത്തിലുൾപ്പെടുന്നു.
ടേബിൾ മൗണ്ടൻ, കേപ്പ് ഓഫ് ഗുഡ് ഹോപ്പ് എന്നിങ്ങനെയുള്ള പ്രധാന സ്ഥലങ്ങൾ ഈ ദേശീയോദ്യാനത്തിലുൾപ്പെടുന്നു. ആഫ്രിക്കയുടെ തെക്കേ അറ്റത്തിന്റെ ഭൂരിഭാഗവും ഈ ദേശീയോദ്യോനത്തിലുണ്ട്.