ലാൻസ്-ഔക്സ് മെഡോസ് (; from the L'Anse-aux-Méduses or "Jellyfish Cove") കാനഡയിലെ ന്യൂഫൗണ്ട്‍ലാൻറ് & ലാബ്രഡോർ പ്രവിശ്യയിലെ, ന്യൂഫൗണ്ട്‍ലാൻറ് ദ്വീപിന്റെ ഏറ്റവും വടക്കേ അറ്റത്തുള്ള ഒരു ആർക്കിയോളജിക്കൽ സൈറ്റാണ്. വടക്കേ അമേരിക്കയിലെ ഒരു നോർസ് അഥവാ വൈക്കിങ്ങ് കുടിയേറ്റകേന്ദ്രത്തിലെ ഏറ്റവും പ്രശസ്തമായ സൈറ്റ് 1960 ലാണ് കണ്ടെത്തിയത്. വർഷം 1000 ലേതെന്നു കരുതപ്പെടുന്ന ലാൻസ്-ഓക്സ് മെഡോസ്, കൊളംബസിനു മുമ്പുള്ള ട്രാൻസ്-ഓഷ്യാനിക് ബന്ധത്തിന്റെ തെളിവായി പരക്കെ അംഗീകരിക്കപ്പെട്ടിരിക്കുന്നു. ഇതേ കാലയളവിൽ ലീഫ് എറിക്സൺ ഇവിടെ സ്ഥാപിച്ചുവെന്നു വിശ്വസിക്കപ്പെടുന്ന വിൻലാൻറ് എന്ന കോളനിയുമായി, കൂടുതൽ വിശാലമായി, അമേരിക്കൻ ഭൂഖണ്ഡങ്ങളിലേയ്ക്കുള്ള നോർസ് പര്യവേക്ഷണവുമായി, ഈ പ്രദേശത്തിനുള്ള ബന്ധം അവിതർക്കിതമാണ്. 1978 ൽ യുനെസ്കോ ലോക പൈതൃകകേന്ദ്രമായി ഇതിനെ പരിഗണിച്ചിരുന്നു.
