ഈജിപ്റ്റിലെ ഒരു വൻ മനുഷ്യ നിർമിത കനാലാണ് സൂയസ് കനാൽ. സീനായ് ഉപദ്വീപിന് പടിഞ്ഞാറ് ഭാഗത്തായാണ് ഇത് സ്ഥിതി ചെയ്യുന്നത്. ഇത് മെഡിറ്ററേനിയൻ കടലിലെ പോർട്ട് സൈദിനെയും ചെങ്കടലിലെ സൂയസിനേയും തമ്മിൽ ബന്ധിപ്പിക്കുന്നു. ഇതിന്റെ നീളം 163 കിലോമീറ്ററും (101 മൈൽ) ഏറ്റവും കുറഞ്ഞ വീതി 60 മീറ്ററുമാണ് (197 അടി).
ആഫ്രിക്കയെ പ്രദക്ഷിണം ചെയ്യാതെതന്നെ യൂറോപ്പും ഏഷ്യയും തമ്മില് ദ്വിദിശയിലുള്ള ജലഗതാഗതം സൂയസ് കനാല് സാധ്യമാക്കുന്നു. 1869-ല് കനാല് പ്രവര്ത്തനമാരംഭിക്കുന്നതിന് മുമ്പ് മെഡിറ്ററേനിയന് കടലിനും ചെങ്കടലിനും ഇടയില് ചരക്കുകള് കരമാര്ഗ്ഗമാണ് കടത്തിയിരുന്നത്.