ഇസ്രായേലിനും ജോര്ദാനും ഇടയില് കരകളാല് ചുറ്റപ്പെട്ട ഉപ്പുജല തടാകമാണ് ചാവുകടല്. (Dead Sea)(Hebrew: יָם הַמֶּלַח, Yām Ha-Melaḥ, "Sea of Salt"; Arabic: ألبَحْر ألمَيّت)-അല് ബഹ്റുല് മയ്യിത്. ഭൂമിയിലെ ഏറ്റവും താഴ്ന്ന ജലാശയമാണ് ഇത്. സമുദ്രനിരപ്പില് നിന്ന് ശരാശരി 1312 അടി (400 മീറ്റര്) താഴെ നില്ക്കുന്നു. 80 കി. മീ. നീളവും 18 കി. മീ. വീതിയും ഉള്ള ഇതിന്റെ വടക്കേ പകുതി ജോര്ദാനുള്ളതാകുന്നു. തെക്കേ പകുതി ജോര്ദാനും ഇസ്രായേലിനുമുള്ളതാകുന്നു. എന്നിരുന്നാലും 1967-ലെ അറബ്-ഇസ്രായേല് യുദ്ധത്തിനു ശേഷം ഇതിന്റെ പടിഞ്ഞാറന് ഭാഗത്തെ മുഴുവന് ഭാഗവും ഇസ്രായേലിന്റെ പക്കലാണുള്ളത്. പടിഞ്ഞാറ് ജൂദായിയുടെയും കിഴക്ക് ജോര്ദാനിയന് പീഠഭൂമികളുടെയും ഇടയില് ചാവുകടല് സ്ഥിതിചെയ്യുന്നു. ജോര്ദാന് നദിയില് നിന്നണ് ചാവുകടലിലേക്ക് വെള്ളമെത്തുന്നത്. ഈ ഭാഗത്തെ ആകെയുള്ള ജല സ്രോതാസായ ജോര്ദാന് നദിയിലെ പരമാവധി ജലം കുടിവെള്ളത്തിനും മറ്റും ഉപയോഗിക്കുന്നതുകൊണ്ട് ചാവുകടലിലേക്കുള്ള ജല പ്രവാഹം ഇപ്പോള് നിലച്ചിരിക്കുകയാണ്. ഇതുമൂലം ചാവുകടലിന്റെ നീളവും വീതിയും കുറഞ്ഞുവരികയാണ്. ഈ തടാകത്തിന്റെ ഒരു പ്രത്യേകതയാണ് ഇതില് ആണ്ടു പോവില്ല എന്നത്.
ഇതിന് സമുദ്രത്തേക്കാള് 8.6 മടങ്ങ് ലവണാംശം കൂടുതലാണ്. വിദഗ്ദരുടെ അഭിപ്രായമനുസരിച്ച് ഇതിന് മെഡിറ്ററേനിയന് കടലിനേക്കാള് പത്ത് മടങ്ങ് ലവണാംശമുണ്ട്. ഉയര്ന്ന അളവിലുള്ള ലവണാംശം കാരണമായി തന്നെ ഈ പ്രദേശം ജന്തുവളര്ച്ചയെ പോഷിപ്പിക്കുന്നില്ല.
അറബിയില് ഇതിനെ Шаблон:Audio എന്ന് വിളിക്കുന്നു, അത്രയൊന്നു പ്രചാരമില്ലെങ്കിലും ബഹര് ലൂത്ത് എന്നും വിളിക്കപ്പെടുന്നു. ഹീബ്രുവില് യാം ഹ-മെലാഹ് (ഉപ്പിന്റെ കടല്) അല്ലെങ്കില് യാം ഹ-മാവെത് (ים המוות, "മരണത്തിന്റെ കടല്") എന്നോ വിളിക്കുന്നു. പ്രാചീന കാലത്ത് യാം ഹ-മിസ്റാഹി (ים המזרחי, "കിഴക്കന് കടല്") അല്ലെങ്കില് യാം ഹ-അറവ (ים הערבה, "അറവയുടെ കടല്") എന്നിങ്ങനെ വിളിക്കപ്പെട്ടിരുന്നു. ഗ്രീക്കുകാര് ഇതിനെ ലേക്ക് അസ്ഫാള്ട്ടിറ്റെസ് (Attic Greek ἡ Θάλαττα ἀσφαλτῖτης, hē Thálatta asphaltĩtēs) എന്ന് വിളിച്ചു.
ലവണങ്ങളുടെ അളവ് കൂടിയ ഈ തടാകത്തില് ജീവജാലങ്ങളുടെ നിലനില്പ് അസാധ്യമായതിനാല് ചാവുകടല് എന്നു പേര് ലഭിച്ചത്. വലിപ്പം വളരെ അധികമാണെന്നതിനാല് കടല് എന്ന് വിളിക്കുന്നു. Шаблон:തെളിവ്
മഹാറിഫ്റ്റ് മലയോരം എന്ന് വിശേഷിപ്പിക്കപ്പെടുന്ന ഭൂമിയുടെ ഉപരിതലത്തിലുള്ള ഒരു നീണ്ട ചുഴിയിലാണ് ചാവുകടലിന്റെ സ്ഥാനം. 6000 കി.മീ. നീളമുള്ള ഈ മഹത്തായ വിടവ് അഥവാ മഹാറിഫ്റ്റ് മലയോരം ടര്ക്കി യിലെ ടോറസ് മലനിരകള് മുതല് ദക്ഷിണാഫ്രിക്കയിലെ സാംബേസി വരെ നീണ്ടു കിടക്കുന്ന ഒന്നാണ്.
ലൂത്ത് പ്രവാചകന്റെ കാലത്ത് സ്വവര്ഗ്ഗരതിക്കാരയ സമൂഹത്തെ ദൈവം ഭൂമി കീഴ്മേല് മറിച്ച് ശിക്ഷിച്ചത് ഇവിടെയാണ് മുസ്ലിങ്ങള് വിശ്വസിക്കുന്നു. നിരവധി ഖുറ് ആന് ഹദീത് വരികളില് ഇവ വിവരിക്കപ്പെട്ടിട്ടുണ്ട്.