കാനഡയിലെ മോൺട്രിയൽ നഗരത്തിൽ സ്ഥിതിചെയ്യുന്ന ഒരു സംഗ്രഹാലയമാണ് മോൺട്രിയൽ ബയോസ്ഫിയർ(ഇംഗ്ലീഷ്: Montreal Biosphère). പരിസ്ഥിതി സംബന്ധമായ കാര്യങ്ങൾ പ്രദർശിപ്പിക്കുന്ന ഒരു മ്യൂസിയമാണ് ഇത്. ബക്മിനിസ്റ്റെർ ഫുള്ളർ എന്നയാളാണ് ഇതിന്റെ വാസ്തുശില്പി. പ്രധാനമായും ഉരുക്കും അക്രിലിക് സെല്ലുകളും ഉപയോഗിച്ച് നിർമിച്ചിരിക്കുന്ന ഒരു വലിയ പന്തിന്റെ ആകൃതിയിലുള്ള ഒരു നിർമിതിയാണ് ഇത്. 76മീറ്റർ വ്യാസമുള്ള ഈ നിർമിതിയുടെ ഉയരം 62മീറ്ററാണ്.
1976-ൽ പുനഃരുദ്ധാരണ പ്രവർത്തനങ്ങൾ നടക്കുന്ന സമയത്ത്, മേയ്മാസം 20-ആം തിയ്യതി ഉച്ചതിരിഞ്ഞ് ബയോസ്ഫിയറിൽ ഒരഗ്നിബാധയുണ്ടായി. കെട്ടിടത്തിന്റെ സുതാര്യമായ അക്രിലിൿ ബബിളുകൾ അഗ്നിക്കിരയായി. എങ്കിലും ഉരുക്കിൽ നിർമിച്ച ട്രസ്സ്(ചട്ടകൂട്) അവശേഷിച്ചു. The site remained closed until 1990. പിന്നീട് 1990 വരെ ഇത് അടച്ചിട്ടിരിക്കുകയായിരുന്നു.
1990 ആഗസ്റ്റിൽ എന്വയോണ്മെന്റ് കാനഡ(Environment Canada) 17.5 ദശലക്ഷം യു.എസ് ഡോളറിന് ബയോസ്ഫിയർ ഭൂമി വിലയ്ക്കു വാങ്ങി. ബയോസ്ഫിയറിനെ ജല-പരിസ്ഥിതി വിഷയങ്ങളെ സംബന്ധിച്ച ഒരു മ്യൂസിയമാക്കി മാറ്റുക എന്നതായിരുന്നു അവരുടെ ഉദ്ദേശം. 1195-ൽ മ്യൂസിയം ഉദ്ഘാടനം ചെയ്തു. സമകാലീന പാരിസ്ഥിതിക പ്രശനങ്ങൾ, കാലാവസ്ഥാ വ്യതിയാനം, ജൈവ സാങ്കേതികവിദ്യ, സുസ്ഥിര വികസനം തുടങ്ങിയവ ഈ മ്യൂസിയവുമായി ബന്ധപ്പെട്ട വിഷയങ്ങളാണ്.
