സിക്കിമിനെയും ടിബറ്റിനെയും ബന്ധിപ്പിക്കുന്ന ഹിമാലയന്‍ പാതയാണ്‌ നാഥു ലാ ചുരം. ഇംഗ്ലീഷ്: Nathu La pass Шаблон:Audio (Chinese: 乃堆拉山口; Nepali: नाथू ला, IAST: Nāthū Lā; Шаблон:Bo). സിക്കിമിനും ചൈനയുടെ കീഴിലുള്ള ടിബറ്റിനും ഇടക്കാണ്‌ ഈ ചുരം. ഇന്ത്യ ചൈന അതിര്‍ത്തിയിലാണിത്.
ചരിത്രപ്രസിദ്ധമായ പട്ടുപാത എന്ന വ്യാപാര മാര്‍ഗത്തിന്റെ ഭാഗമായിരുന്ന നാഥുലാ ചുരം ഇന്ത്യയ്ക്കും ചൈനയ്ക്കുമിടയില്‍ നേരിട്ടുള്ള ഏക സഞ്ചാരമാര്‍ഗമാണ്‌. സിക്കിമിന്റെ തലസ്ഥാനമായ ഗാങ്ങ്‌ടോക്കില്‍ നിന്ന്‌ 56 കിലോമീറ്റര്‍ കിഴക്കുമാറിയുള്ള നാഥുലാ ലോകത്തിലെ ഏറ്റവും ഉയരമേറിയ ഗതാഗതമാര്‍ഗങ്ങളിലൊന്നാണ്‌. സമുദ്രനിരപ്പില്‍ നിന്ന്‌ 4310 മീറ്ററാണ്‌ ഉയരം. താപനില പൂജ്യത്തിലും 25 ഡിഗ്രി വരെ താഴുന്ന ശീതകാലത്ത്‌ പാതയില്‍ മഞ്ഞുറയും. ടിബറ്റിന്റെ തലസ്ഥാനമായ ലാസയില്‍ നിന്ന്‌ ചുരത്തിലേയ്ക്ക്‌ 550 കിലോമീറ്റര്‍ ദൂരമുണ്ട്‌.
