മിസ്സൗറി ബൊട്ടാണിക്കൽ ഗാർഡൻ' മിസ്സൗറിയിലെ 4344 ഷോ ബോളിവാർഡ് സെന്റ് ലൂയിസിൽ ആണ് സ്ഥിതിചെയ്യുന്നത്. സ്ഥാപകനും പരോപകാരിയായ ഹെൻറി ഷായുടെ പേരിൽ ഇത് അനൗദ്യോഗികമായി ഷാ ഗാർഡൻ എന്നും അറിയപ്പെടുന്നു. 6.6 ദശലക്ഷം സാമ്പിളുകൾ ഹെർബേറിയമുള്ള ഈ ഗാർഡൻ വലിപ്പത്തിൽ വടക്കൻ അമേരിക്കയിൽ രണ്ടാമത്തേതും ന്യൂയോർക്ക് ബൊട്ടാണിക്കൽ ഗാർഡന്റെ തൊട്ടുപിന്നിലുമാണ്.
1859- ൽ സ്ഥാപിതമായ മിസ്സൗറി ബൊട്ടാണിക്കൽ ഗാർഡൻ യുണൈറ്റഡ് സ്റ്റേറ്റ്സിലെ ഏറ്റവും പഴക്കമുള്ള ബൊട്ടാണിക്കൽ സ്ഥാപനങ്ങളിലൊന്നും ദേശീയ ചരിത്രപരമായ ലാൻഡ്മാർക്കും ആണ്. ഈ ഗാർഡൻ ചരിത്രപരമായ സ്ഥലങ്ങളുടെ ദേശീയ രജിസ്റ്ററിൽ പട്ടികപ്പെടുത്തിയിട്ടുണ്ട്. അന്തർദേശീയ അംഗീകാരമുളള സസ്യശാസ്ത്ര ഗവേഷണത്തിനും ശാസ്ത്ര പഠനത്തിനും ഉള്ള ഒരു കേന്ദ്രമാണ് ഈ ഗാർഡൻ. സെയിന്റ് ലൂയിസിലെ പട്ടണത്തിൽ 79 ഏക്കർ (32 ഹെക്ടര്) പ്രദേശത്ത് ഹോർട്ടികൾച്ചറൽ പ്രദർശനവുമുണ്ട്. ഇതിൽ 14 ഏക്കർ (5.7 ഹെക്ടർ) സ്വീവാ -എൻ (Seiwa-en) എന്ന ജാപ്പനീസ് സ്ട്രോളിംഗ് ഗാർഡൻ ; ക്ലൈമാട്രോൺ ജിയോഡെസിക് ഡോം കൺസർവേറ്ററേഷൻ; എന്നിവയും കുട്ടികളുടെ ഉദ്യാനം; ഒരു കളിസ്ഥലം; പനാമ കനാലിനു ചുറ്റുമുള്ള ലോക്കിംഗ് സംവിധാനത്തിനു സമാനമായ ജലധാര പ്രദേശവും ജലലോണ സംവിധാനവും; ഓസേജ് ക്യാമ്പിൽ; ഹെൻറി ഷായുടെ 1850 എസ്റ്റേറ് ഭവനം എന്നിവ ഉൾപ്പെടുന്ന ഒരു പയനിയർ ഗ്രാമവും ഇവിടെ സ്ഥിതി ചെയ്യുന്നു. ഷായുടെ പൈതൃക സ്മാരകങ്ങളിലൊന്നായ ടവർ ഗ്രോവ് പാർക്കിന് തൊട്ടടുത്ത് സ്ഥിതി ചെയ്യുന്നു.
ചെസ്സ്ഫീൽഡിലെ മിസ്സോറി ബൊട്ടാണിക്കൽ ഗാർഡനിൽ സോഫിയ എം. സച്ച്സ് ബട്ടർഫ്ലൈ ഹൗസും പ്രവർത്തിക്കുന്നു. ബട്ടർഫ്ലൈ ഹൗസ് 8,000 ചതുരശ്ര അടി (740 മീ 2 ), പുറമേ ഔട്ട്ഡോർ ബട്ടർഫ്ലൈ ഗാർഡനും ഉള്ള ഒരു ഇൻഡോർ ബട്ടർഫ്ലൈ കൺസർവേറ്ററാണ്.