അമേരിക്കന് ഐക്യനാടുകളെ പ്രതിനിധീകരിക്കുന്ന 93 മീറ്റര് ഉയരമുള്ള പ്രതിമയാണ് സ്റ്റാച്യൂ ഓഫ് ലിബര്ട്ടി. ന്യൂ യോര്ക്ക് നഗരത്തിനടുത്തുള്ള ലിബര്ട്ടി ദ്വീപിലാണ് ഇത് സ്ഥാപിച്ചിരിക്കുന്നത്. വലതുകൈയ്യില് ഉയര്ത്തിപ്പിടിച്ച ദീപശിഖയും ഇടതുകൈയ്യില് ഒതുക്കിപ്പിടിച്ചിരിക്കുന്ന അമേരിക്കന് സ്വാതന്ത്ര്യപ്രഖ്യാപന ദിവസഫലകവുമായി നില്കുന്ന സ്ത്രീയുടേതാണ് പ്രതിമ. ഫ്രഞ്ചുകാരാണ് ഈ പ്രതിമ സമ്മാനമായി അമേരിക്കക്കാര്ക്ക് നല്കിയത്. ആദ്യകാലങ്ങളില് ലിബര്ട്ടി എന്ലൈറ്റെനിങ്ങ് ദ വേള്ഡ് എന്നാണിതറിയപ്പെട്ടിരുന്നത്.ഇരുമ്പ് ചട്ടക്കൂടില് ചെമ്പ് പാളികള് പൊതിഞ്ഞാണ് ഈ ശില്പം ഉണ്ടാക്കിയിരിക്കുന്നത്.