പ്രാചീന ഗ്രീസിലെ നഗരരാഷ്ട്രമായിരുന്ന ഏതന്‍സിലെ അക്രോപൊളിസില്‍ സ്ഥിതിചെയ്യുന്ന അഥീനാക്ഷേത്രമാണ്‌ പാര്‍ഥിനോണ്‍ ക്ഷേത്രം.ക്രി.മു.5-ആം നൂറ്റാണ്ടില്‍ നിര്‍മ്മിയ്ക്കപ്പെട്ടുവെന്നു വിശ്വസിയ്ക്കപ്പെടുന്ന ഈ ക്ഷേത്രം പ്രാചീന ഗ്രീക്ക് വാസ്തുവിദ്യയുടെ മകുടോദാഹരണമായി നിലകൊള്ളുന്നു.
ഇന്നത്തെ പാര്‍ഥിനോണ്‍ നിലനില്‍ക്കുന്ന സ്ഥലത്ത് മുന്‍പ് മറ്റൊരു അഥീനാക്ഷേത്രമുണ്ടായിരുന്നതായും, ബി.സി.നാലാംനൂറ്റാണ്ടിലെ പേര്‍ഷ്യന്‍ ആക്രമണത്തില്‍ നശിപ്പിയ്ക്കപ്പെട്ടതായും ഹെറഡോട്ടസ് രേഖപ്പെടുത്തിയിട്ടുണ്ട്.ബി.സി.5ആം നൂറ്റാണ്ടിലെ പുനര്‍നിര്‍മ്മാണത്തിനു ശേഷം ഈ ക്ഷേത്രം ഗ്രീക്ക് ഭരണകൂടത്തിന്റെ ഖജനാവായും ഉപയോഗിച്ചിരുന്നു.
