അമേരിക്കൻ ഐക്യനാടുകളിലെ തെക്കൺ ഒറിഗണിൽ സ്ഥിതിചെയ്യുന്ന ഒരു ദേശീയോദ്യാനമാണ് ക്രേറ്റർ തടാക ദേശീയോദ്യാനം (ഇംഗ്ലീഷ്: Crater Lake National Park ). 1902-ൽ സ്ഥാപിതമായ ഇത്, അമേരിക്കയിലെ തന്നെ ഏറ്റവും ആദ്യത്തെ ദേശീയോദ്യാനങ്ങളിലൊന്നാണ് ഇത്. കൂടാതെ ഒറിഗൺ സംസ്ഥാനത്തിലെ ഒരേഒരു ദേശീയോദ്യാനവും ക്രേറ്റർ ലേക്ക് ആണ്. ഭൗമപ്രക്രിയകളുടെ ഫലമായി അഗ്നിപർവ്വതമുഖത്തിൽ രൂപം കൊണ്ട ക്രേറ്റർ തടാകം, മസാമ പർവ്വതം,ഇവയെ ചുറ്റപെട്ടുള്ള വനമേഖല എന്നിവ ഉൾപ്പെടുന്നതാണ് ക്രേറ്റർ തടാക ദേശീയോദ്യാനം.
ക്രേറ്റർ തടാകത്തിന്റെ ഏറ്റവും കൂടിയ ആഴം 1,949 അടി (594 മീ) ആണ്. ഏറ്റവും ആഴം കൂടിയ തടാകങ്ങളിൽ വെച്ച് ക്രേറ്റർ തടാകത്തിന് അമേരിക്കയിൽ ഒന്നാം സ്ഥാനവും, ലോകത്തിൽ ഒമ്പതാം സ്ഥാനവുമാണ് ഉള്ളത്.