അമേരിക്കൻ ഐക്യനാടുകളിലെ കൊളറാഡോ സംസ്ഥാനത്തിൽ സാൻ ലൂയി താഴ്വരയിൽ സ്ഥിതിചെയ്യുന്ന ഒരു ദേശീയോദ്യാനമാണ് ഗ്രേറ്റ് സാൻഡ് ഡ്യൂൺ ദേശീയോദ്യാനംവും സംരക്ഷിതപ്രദേശവും(ഇംഗ്ലീഷ്: Great Sand Dunes National Park and Preserve).1932 മാർച്ച് 17ന് ഇത് ദേശീയ സ്മാരകമായി പ്രഖ്യാപിച്ചിരുന്നു. ഗ്രേറ്റ് സാൻഡ് ഡ്യൂൺസിന് ദേശീയോദ്യാനപദവി ലഭിക്കുന്നത് 2004 സെപ്റ്റംബർ 13നാണ്. 44,246 ഏക്കർs (17,906 ഹെ) ആണ് ഉദ്യാനത്തിന്റെ വിസ്തൃതി.
വടക്കേ അമേരിക്കയിലെ ഏറ്റവും ഉയരമേറിയ മണൽക്കൂനകൾ ഈദേശീയോദ്യാനത്തിൽ കാണപ്പെടുന്നു. ഇവയ്ക്ക് സാൻ ലൂയി താഴ്വരയിൽനിനും 750 അടിയോളം ഉയരം കാണപ്പെടുന്നുണ്ട്. ഗവേഷണങ്ങൾ സൂചിപിക്കുന്നത്, 440,000 വർഷങ്ങൾ മുമ്പ് തന്നെ ഇവിടെ മണൽകൂനകൾ രൂപംകൊണ്ടുതുടങ്ങിയിരുന്നു എന്നാണ്.