ലുഡ്വിഗ്-മാക്സിമിലിയൻ യൂണിവേഴ്സിറ്റി ഓഫ് മ്യൂണിച്ച്, ജർമ്മനിയിലെ മ്യൂണിച്ചിൽ സ്ഥിതിചെയ്യുന്ന ഒരു പൊതു ഗവേഷണ സർവ്വകലാശാലയാണ്. (LMU അല്ലെങ്കിൽ യൂണിവേഴ്സിറ്റി ഓഫ് മ്യൂണിക് എന്നും അറിയപ്പെടുന്നു, ജർമ്മൻ ഭാഷയിൽ: Ludwig-Maximilians-Universität München). തുടർച്ചയായ പ്രവർത്തനത്തിൽ ഈ സർവ്വകലാശാല ജർമനിയിലെ ആറാമത്തെ പഴക്കമുള്ള സർവ്വകലാശാലയാണ്. യഥാർത്ഥത്തിൽ ബാവറിയ-ലാൻറ്ഷട്ടിലെ ഡ്യൂക്കായ ലുഡ്വിഗ് IX 1472 ൽ ഇൻഗോൽസ്റ്റാഡ്റ്റിൽ സ്ഥാപിച്ച ഈ സർവ്വകലാശാല 1800 ൽ ഇൻഗോൽസ്റ്റാഡ്റ്റിന് ഫ്രഞ്ചുകാരിൽനിന്നു ഭീഷണിയുയർന്നപ്പോൾ ബാവറിയയിലെ മാക്സിമിലിയൻ ഒന്നാമൻ രാജാവ് ലാന്റ്ഷട്ടിലേയ്ക്കു മാറ്റിയിരുന്നു. 1826-ൽ ബവറിയയിലെ രാജാവായ ലുഡ്വിഗ് ഒന്നാമൻ ഇന്നത്തെ സ്ഥാനമായ മ്യൂണിച്ചിലേയ്ക്കു വീണ്ടും സ്ഥാനമാറ്റം നടത്തി. 1802 ൽ ബാവറിയയിലെ രാജാവായിരുന്ന മാക്സിമിലിയൻ ഒന്നാമൻ തന്റേയും ഒപ്പം യഥാർത്ഥ സ്ഥാപകന്റേയും ബഹുമാനാർഥം ഈ സർവ്വകലാശാലയ്ക്ക് ഔദ്യോഗികമായി Ludwig-Maximilians-Universität എന്ന് നാമകരണം നടത്തി.
