ഇന്ത്യയിലെ പുരാവസ്തു സ്ഥലവും ലോക പൈതൃക സ്ഥലവുമാണ് മദ്ധ്യപ്രദേശിലെ റൈസന് ജില്ലയിലുള്ള ഭീംബട്ക ശിലാഗൃഹങ്ങള്. ഇന്ത്യയില് മനുഷ്യവാസത്തിന്റെ ഏറ്റവും പുരാതന അവശിഷ്ടങ്ങള് കാണുന്നത് ഭീംബട്കയിലാണ്; ഇവിടത്തെ ശിലായുഗ ഗുഹാചിത്രങ്ങള്ക്ക് ഏകദേശം 9,000 വര്ഷം പഴക്കമുണ്ട്.
ഈ സ്ഥലത്തിന് പേരുലഭിച്ചത് ഭീംബട്കയ്ക്ക് പാണ്ഠവരില് ഒരാളായ ഭീമനുമായി ഉണ്ടെന്ന് വിശ്വസിക്കുന്ന പൗരാണിക ബന്ധത്തില് നിന്നാണ്.
ഭീംബട്കയിലെ (ഭീം ബൈതകയിലെ) ശിലാഗൃഹങ്ങള് മദ്ധ്യപ്രദേശിലെ റൈസന് ജില്ലയിലാണ്. ഭോപ്പാലിന് 45 കിലോമീറ്റര് തെക്കായി, വിന്ധ്യാചല നിരകളുടെ തെക്കേ അറ്റത്താണ് ഭീംബട്ക. ചില ശിലാഗൃഹങ്ങള് സത്പുര മലനിരകളിലാണ്. ഈ പ്രദേശം നിബിഢവനഭൂമിയും വര്ഷം മുഴുവന് ജലം ലഭിക്കുന്ന ജലസ്രോതസ്സുകളുള്ളതുകൊണ്ട് ധാരാളമായി പ്രകൃതിവിഭവങ്ങള് ഉള്ളതുമാണ്, പ്രകൃതിദത്തമായ ഗുഹകളും വനങ്ങളും സസ്യമൃഗാദികളുമുള്ള ഈ പ്രദേശം ആസ്ത്രേലിയയിലെ കകടു ദേശീയോദ്യാനം, കലഹാരി മരുഭൂമിയിലെ കാട്ടുമനുഷ്യരുടെ ഗുഹാചിത്രങ്ങള്, ഫ്രാന്സിലെ അപ്പര് പാലിയോലിഥിക് കാലത്തെ ലസ്കാ ഗുഹാചിത്രങ്ങള് എന്നിവയുമായി ഗണ്യമായ സാമ്യം കാണിക്കുന്നു.