ആഫ്രിക്കയിലെ മഹാ തടാകങ്ങളില് ഒന്നാണ് വിക്ടോറിയ തടാകം അഥവാ വിക്ടോറിയ നിയാന്സ.
68,800 ചതുരശ്ര കിലോമീറ്റര് (26,560 mi²) ആണ് വിക്ടോറിയ തടാകത്തിന്റെ വിസ്തീര്ണം. ആഫ്രിക്കയിലെ ഏറ്റവും വലിയ തടാകവും ലോകത്തിലെ ഏറ്റവും വലിയ ഉഷ്ണ മേഖലാ തടാകവും വീതിയേറിയ രണ്ടാമത്തെ ശുദ്ധജല തടാകവുമാണിത്. വിസ്തൃതിയെ അപേക്ഷിച്ച് ആഴം കുറവായ വിക്ടോറിയയുടെ ഏറ്റവും കൂടിയ ആഴം 84 മീറ്ററും (276 ft) ശരാശരി ആഴം 40 മീറ്ററുമാണ്(131 ft). 2,750 ഘന കിലോമീറ്റര് (2.2 മില്യണ് ഏക്കര്-അടി) വ്യാപ്തമുള്ള ഈ തടാകം ലോകത്തിലെ ഏറ്റവും വ്യാപ്തമേറിയ ഏഴാമത്തെ തടാകമാണ്. നൈല് നദിയുടെ ഏറ്റവും വലിയ ശാഖയായ വെളുത്ത നൈലിന്റെ സ്രോതസ് വിക്ടോറിയയാണ്. 184,000 ചതുരശ്ര കിലോമീറ്റര് (71,040 mi²) പ്രദേശത്ത് നിന്നും ഈ തടാകത്തിലേക്ക് ജലം ഒഴുകിയെത്തുന്നു. ടാന്സാനിയ, ഉഗാണ്ട, കെനിയ എന്നീ രാജ്യങ്ങളിലായാണ് വിക്ടോറിയ സ്ഥിതി ചെയ്യുന്നത്. ആഫ്രിക്കയിലെ ഗ്രേറ്റ് റിഫ്റ്റ് സമതലത്തിന്റെ പടിഞ്ഞാറന് ഭാഗത്തായി ഒരു ഉയര്ന്ന പീഠഭൂമിയിലാണ് ഈ തടാകം സ്ഥിതി ചെയ്യുന്നത്.